Apr 30, 2008
قصة الـ7 سنوات (الجزء الاول)
تبدأ رحلتي بعد التخرج من الثانوية العامة من مدرسة ثانوية قريش في مدنية جدة بالمملكة العربية السعودية .. طبعا انا زي اي طالب اتمنى انه يكون لي معدل عالي يخلي الكل يفتخر بي طبعا اللي اقصدهم هنا (( ابوي و امي )) و لكن ليس كل ما يتمناه المرأ يدركه … تخرجت بــ 77,8 % …كيف عرفت بالنتيجة ؟؟؟ كان الوقت قبل صلاة المغرب و كنت جاي من محل تصليح اجهزة الكمبوتر و اتصل صديقي العزيز و اللي اسمه محمد حرب .. و كان صديقي الصدوق … وكلم الوالدة و قالها انه يبغاني .. طبعا هي قفلت التلفون و انا فتحت الباب … و ركبت الجهاز و قالت لي الوالده : صاحبك اتصل … وقتها القلب بدأ يدق و الاحساس انه في حاجة … قبل ما اتصل عليه قلت خليني اتأكد من النتائج طلعت على النت و لا لا .. و بالفعل طلعت … و جات الصدمة !!! ما توقعتها ابدا … جاني صديقي الصدوق الى البيت و اخذ يواسيني و يحمسني … و انا كان همي و تفكيري في الوالد !!! ابوي راح يسوي ايه ؟؟؟ وش موقفه … جلست الليل كله ابكي و لا غيره .. طلعت النتائج في الصحف … و رحت استلمت الشهادة .. و الكل يسأل ما مصيرك !!!
|
اضغط هنا لقراءة الموضوع من مدونة عالمي |
No Comments, Comment or Ping
Reply to “قصة الـ7 سنوات (الجزء الاول)”